Technologies Technologies

በአንድ ግዜ ሁለት እንጀራ የሚያወጣ ምጣድ

በአንድ ግዜ ሁለት እንጀራ ማውጣት የሚያስችለው ምጣድ ሲሆን በመጀመሪያ አንደኛው እንጀራ ሰፍቶ ከመጠጠ በኋላ በመገልበጥ ሌላ እንጀራ በማስፋት ሁለት እንጀራ በአንዴ ማውጣት ይስችላል፡፡

የካሳቫ መከትከቻ መሳርያ

ይህ ቴክኖሎጂ አራት ባለምላጭ ካሳቫ የሚገባበት ቀዳዶች ያሉት በመሆኑ ካሳቫውን በቀላሉ እና በፍጥነት ይከተክተዋል፡፡ቴክኖሎጂው በሰው ጉልበት የሚንቀሳቀስ ሲሆን የተከተከተውንም ካሳቫ በቀላሉ መሰብሰብ ይቻላል፡፡የተከተከተውም ካሳቫ በቀላሉ ይደርቃል፡፡

የኦቾሎኒ/ለውዝ ማንሻ እና የድንች መቆፈሪያ/ማውጫ

ይህ ቴክኖሎጂ በእንስሳት ሀይል የሚሳብ የድንች እና የኦቾሎኒ መሰብሰቢያ ሲሆን የማረሻ ክፍል በሆኑት ሞፈር እና እርፍ ጋር የተያያዘ ነው፡፡የቴክኖሎጂው አፈር ውስጥ የሚገባው ክፍል V ቅርጽ ምላጭ ያለው በመሆኑ ምርቱን ከአፈር በቀላሉ ለማላቀቅ ያስችላል፡፡

በስስ/ቀላል ብረት የተሰራጎተራ

በቀላሉ ከስስ ብረት ሊሰራ የሚችል ቴክኖሎጂ ሲሆን በቆሎ ለማከማቸት በጣም ወሳኝ ነው፡፡ይህ ቴክኖሎጂ ቦቆሎ ለ12 ወራት ምንም ሳይበላሽ እንዲከማች ያደርጋል፡፡ቴክኖሎጂው በ300 ኪ.ግ፣በ500 ኪ.ግ እና በ 1000 ኪ.ግ ይገኛል፡፡

የጥራጥሬ መቁያ ማሽን

ስራው፡ ይህ ማሽን ጥራጥሬዎቸን መቁላት የሚያሰችል ቴክኖሎጂ ሲሆን በኤሌክትሪክ የሚሰራና እንደ ቡና፣ስንዴና ገብስ ያሉ ጥራጥሬዎችን የሚቆላ ማሽን ነው፡፡ ማሽኑ ጥራጥሬዎቹ ከተቆሉ በኋላ የሚያበርድና ገለባውን ከዋናው ጥሬ መለየት እንዲያስችል ገለባውን የሚያስወግድ በንፋስ የሚሰራ ክፍል ያለው ነው፡፡

አይባር ሁለገብ ቦይና መደብ ማውጫ/Aybar BBM

ከብረት የተሰራ የራሱ የብረት ዘንግ ድግር አንዲሁም ሁለት ክንፎች ያሉት ዘርፈ ብዙ ጥቅም የሚሰጥ መሣሪያ ነው:: ከነዚህም ጥቅሞች መካከል ኮትቻ አፈርን ማጠንፈፍ ፣የዝናብ ውሃን በማቆር የአፈር እርጥበትን ማሻሻል ፣ ዘር ማልበስ፣ ቦይ ማውጣት ይገኙበታል።

የእርከን ማረሻ/plowshare

ከባህላዊ የእርከን ማረሻ የተለየ ከብረት የሚሰራ በግራና በቀኝ ያለውን መሬት በማረስ የእርሻ ድግግሞሽን የሚያስቀር መሳሪያ ነው::በተጨማሪም ውሃ ልክን ተከትሎ በማረሱ በሚፈጠሩ ስውር እርከኖች የዝናብ ውሃን በማስረግ የአፈር እርጥበትን ያሻሽላል::